మట్టి పదాలు

ఎనిమిదేళ్ళబాల గుర్రాల కాపరిపయి  ఎనిమిది మానవతోడేళ్ళ దాడి  అమ్మకు మారు రూపమయిన  అమాయకపు ఆడతనంపై అకృత్యాలు  బేల చూపులను నిర్లజ్జగా చిధిమిన  మత మదపుటేనుగులు  చెంగుచెంగున తిరిగే లేడిపిల్ల కాళ్ళను   విరిచిన  కర్కోటక మూక  రాతి బొమ్మల సాక్షిగా  గర్భగుడిలో నిర్బంధం  ఎనిమిది దినాలు ఏకధాటిగా  పసికాయంపై పైశాచికత్వం  కఠిన శిలలను కరిగించలేని  కన్నీటి చారికలు మేకవన్నె మెకాలను మార్చలేని  నెత్తుటి మరకలు  పసికందుపై మతఛాందసుల మసిగాయాలు  బిడ్డా...! ఆసిఫా...... థూ....ఆక్ ....థూ కాండ్రించి ఉమ్మతున్న నీ దుర్ఘటన  మేమూ... మనుషులమేనా?

గోండ్వానా దారి దీపాలను   వేయి ఊడల మర్రికి వేళ్ళాడదీసావేమో   పునాది రాళ్ళను మాత్రం పెకల్చలేకపోయావు   మా ఊళ్ళో మా రాజ్యపు పంట కాపు   వెన్నుపోటుకు మన్నుకరచాడేమో   విత్తనాలను మాత్రం ఎత్తుకెళ్ళలేకపోయావు   నా నెత్తురు నా చెమట   నా ఆత్మగౌరవాన్ని లూఠీ చేశావేమో   నా అస్తిత్వపు అరుణిమనైతే అందుకోలేకపోయావు   నా పోడు శెల్కకు పట్టా   నా పంట దినుసుకు గిట్టుబాటు   నీ బేపార్ల దోపిడీకి అడ్డుకట్టకయి   కొడవళ్ళుగ బిగిసిన పిడికిళ్ళు   రగల్ జెండాలుగ ఎగిసిన నిరసనలు   దద్దద్దరిల్లిన తుడుం మోత   కొండకోనలు దాటిన చీమల దండులు   వాగు వంకల ప్రవాహమై కదిలినయి   పాలవెల్లి సంత చెంతకు చేరువైనయి   నా ఆటపయి అధికారం   నా పాటపయి తూటా                                                                               ...